Investıtsııalar vıtse-mınıstri eski avtokólikterdi elimizge ákelýge salynǵan tyıym boıynsha túsinik berdi
ASTANA. QazAqparat - Búgin Májilistiń jalpy otyrysynan keıin Investıtsııalar jáne damý vıtse-mınıstri Albert Raý jýrnalısterge eski avtokólikterdi ákelýge salynǵan tyıymǵa qatysty túsinik berdi.
Vıtse-mınıstrdiń sózine qaraǵanda, atalǵan tyıym negizinen dóńgelekti kólik quraldarynyń qaýipsizdigi týraly tehnıkalyq reglamenttiń kúshine enýine baılanysty.
«ıAǵnı, Keden odaǵynyń aýmaǵyna Eýro-4 standartyna sáıkes kelmeıtin jáne qoldanysta bolý merzimi jeti jyldan asqan kólikterdi ákelýge tyıym salynady. Degenmen, bul máselede birshama olqylyqtar, qaıshylyqtar oryn alyp otyrǵany da ras. Jalpy, Keden odaǵynyń aýmaǵynda ondaı kólikter emin-erkin qozǵalysta bola alady. Alaıda jáne bir normatıvtik aktige sáıkes, osy baǵytta arnaıy ulttyq talaptar engizilýi tıis. Osy turǵydan alǵanda oılantatyn másele, biz buǵan deıin de eski kólikterdi kóptep ákeldik. Osyny oılanýymyz kerek. Sondyqtan da, eger kólik Eýro-4 standarttaryna sáıkes kelse, onyń qoldanylǵan merzimi kelip tursa, onda kólikterdi elge ákelýge esh tyıym jasalmaıdy», - dedi A. Raý.
