Investıtsııalar kólemi 75,2 paıyzǵa ulǵaıdy - Aýyl sharýashylyǵy

NUR-SULTAN. QazAqparat – Aýyl sharýashylyǵynyń negizgi kapıtalyna salynǵan ınvestıtsııalar kólemi 75,2 paıyzǵa ulǵaıdy. Bul týraly Úkimet otyrysynda Aýyl sharýashylyǵy mınıstri Saparhan Omarov bıylǵy qańtar aıynda jalpy aýyl sharýashylyǵy óniminiń kórsetkishterin baıandaý kezinde málim etti, dep habarlaıdy QazAqparat tilshisi.

«Kórsetilgen kezeńde tamaq ónimderin óndirý kólemi 0,8 paıyzǵa, 142,1 mlrd teńgeni qurady. Bul rette, ósimdik maıyn óndirý kóleminiń 26,7 paıyzǵa, qyzylsha qantynyń 25,1 paıyzǵa, sary maıdyń 16,3 paıyzǵa, jarmanyń 11,3 paıyzǵa, óńdelgen súttiń 3,2 paıyzǵa, óńdelgen kúrishtiń 2,3 paıyzǵa, irimshik jáne súzbeniń 0,8 paıyzǵa artqany baıqaldy», - dedi mınıstr.

Onyń aıtýynsha, aýyl sharýashylyǵynyń negizgi kapıtalyna salynǵan ınvestıtsııalar kólemi 75,2 paıyzǵa ulǵaıyp, 19,9 mlrd teńgeni, tamaq ónimderi óndirisine salynǵan ınvestıtsııalar 11,2 paıyzǵa artyp, 3,5 mlrd teńgeni qurady.

Budan buryn habarlanǵandaı, bıyldyń qańtar aıynda jalpy aýyl sharýashylyǵy óniminiń kólemi 2,5 paıyzǵa ulǵaıyp, 170,6 mlrd teńgege jetti.