Investıtsııa úshin tartymdy álem qalalar anyqtaldy
ASTANA. 17 naýryz. QazAqparat - Investıtsııa úshin tartymdy álemniń tańdaýly qalalarynyń reıtıngisinde London birinshi orynǵa ıe boldy, dep habarlady ITAR-TASS.
Degenmen BRIK elderiniń (Brazılııa, Reseı, Úndistan jáne Qytaı) pozıtsııasy nyǵaıyp keledi. Bul oraıda Máskeý 8-orynǵa taban tiredi.
"Keı-pı-em-djı" konsaltıng kompanııasy men Úlken Parıj ınvestıtsııalyq agenttigi daıarlaǵan baıandamaǵa sáıkes brıtan astanasy sheteldik ınvestıtsııalar úshin neǵurlym tartymdy bolyp otyr.
Ekinshi jáne úshinshi oryndarǵa reıtıngide qytaılyq iri qarjy ortalyqtary - Shanhaı men Gonkong shyǵyp otyr. Al brazılııalyq San-Paýlý tizimniń 4-shi jolynda, ótken eki jyl ishinde munda ınvestıtsııalar kólemi 160 paıyz artty.
«Qalalarǵa ınvestıtsııalardyń jahandyq monıtorıngi» baıandamasyna sáıkes reıtınginiń alǵashqy «bestigine» London, Shanhaı, Gonkong, San-Paýlý, Nıý-ıork kirip otyr. Jahandyq ınvestıtsııanyń 50 paıyzy búginde álemniń 22 jetekshi megapolısteriniń úlesinde.
