Investıtsııa sapasyna kóńil aýdarý qajet - Qarjy mınıstri
«Elbasy men Prezıdent bergen barlyq tapsyrmalardy eskere otyryp, ózimizdiń is-qımyl josparymyzdy qaıta qarap, Úkimettiń 2025 jylǵa deıingi baǵdarlamasyn qabyldaýymyz kerek. 2020 jyly ekonomıkanyń 4,7-5 paıyz deńgeıinde sapaly ósýin qamtamasyz etý úshin biz negizgi kapıtalǵa salynatyn ınvestıtsııalardy JІÓ 20 paıyzy deńgeıinde qamtamasyz etý boıynsha sharalar qabyldap, keminde 28 mlrd dollar tikeleı sheteldik ınvestıtsııa tartýǵa tıispiz», - dedi mınıstr Úkimettiń búgingi otyrysynda.
Á. Smaıylov buǵan deıin ınvestıtsııalyq jobalar pýly anyqtalǵanyn eske saldy. Onda 44 trln teńge bolatyn 2033 joba bar. Barlyq ákimder men salalyq mınıstrler olardyń ósimin turaqty baqylaýy tıis.
«Bul rette tartylatyn ınvestıtsııalardyń sapasyna kóńil aýdarý qajet. Ulttyq ekonomıka mınıstrligi aı saıyn osy máselege monıtorıng júrgizip, toqsan saıyn Úkimet otyrysyna shyǵaratyn bolady. 2020 jyly shıkizattyq emes eksport kólemin 3 mlrd dollarǵa ulǵaıtý jáne 18,6 mlrd dollarǵa deıin jetkizý qajet. Ol úshin Saýda jáne ıntegratsııa mınıstrligi memorgandarmen jáne «Atameken» palatasymen birlesip, ár óńirdegi problemalardy taldap, memlekettik qoldaý sharalaryn ózektendirýi qajet. Jáne osyny 2025 jylǵa deıingi saýda saıasaty baǵdarlamasyn daıyndaýda eskertýi qajet. Bul jumysqa Qazaqstannyń sheteldegi elshilikteri belsendi túrde tartylýy tıis», - dedi Álıhan Smaıylov.
