Investıtsııa boıynsha 2 óńir tómen kórsetkish kórsetip otyr - mınıstr

NUR-SULTAN. QazAqparat – Ulttyq ekonomıka mınıstri Áset Erǵalıev el óńirlerindegi ınfestıtsııalyq belsendilik jaıynda baıandady, dep habarlaıdy QazAqparat tilshisi.

«Kóptegen óńirlerde joǵary ınvestıtsııalyq belsendilik saqtalýda. Ken óndirý ónerkásibin esepke almaǵanda, ınvestıtsııalardyń ortasha ósýi 34 paıyzdy qurady. Investıtsııalardyń aıtarlyqtaı ósýin óńdeý ónerkásibi – 2,4 ese, aqparat jáne baılanys – 63%, aýyl sharýashylyǵy – 55%, kólik – 42%, qurylys – 39%, saýda – 29% jáne jyljymaıtyn múlikpen operatsııalar 16% kórsetti», - dedi mınıstr Úkimet otyrysynda bıylǵy qańtar-naýryzdaǵy qorytyndylardy baıandaı kele.

Onyń aıtýynsha, kún elektrstantsııalary men «Kerýen-saraı» kópfýnktsıonaldy týrıstik keshenin salý esebinen Túrkistan oblysynda, sondaı-aq ónerkásip nysandaryn salý men óndiris qurylǵylaryn alýdyń ósýi esebinen Shymkent qalasynda, al turǵyn úı jáne áleýmettik nysandar men ınjenerlik ınfraqurylym salý esebinen Almaty qalasynda eń joǵarǵy kórsetkishter baıqaldy.

«Investıtsııalar boıynsha 2 óńir tómendeýdi kórsetip otyr. Qarashyǵanaq ken ornyn keńeıtý jobasy boıynsha qurylys-montajdaý jumystarynyń azaıýynan Batys Qazaqstan oblysynda, Teńiz ken ornyn keleshekte keńeıtý jobasy men uńǵyma erneýiniń qysymyn basqarý jobasy boıynsha qurylys-montajdaý jumystarynyń azaıýy saldarynan Atyraý oblysynda ınvestıtsııa tómendegen», - dedi Á. Erǵalıev.

Budan buryn habarlanǵandaı, jyldyq ınflıatsııa 7 paıyzǵa deıin baıaýlady.