Invataksı qyzmeti jergilikti bıýdjetten áleýmettik qyzmetterdiń elektrondy portalyna aýystyrylady

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi múgedektigi bar adamdarǵa arnalǵan ınvataksı qyzmetin memlekettik satyp alý salasynan áleýmettik qyzmetterdiń elektrondy portalyna aýystyrmaqshy, dep habarlaıdy QazAqparattilshisi.

Bul týraly vedomstvonyń baspasóz qyzmeti QazAqparat saýalyna joldaǵan jaýabynda aıtty.

«Atalǵan jańashyldyq aıasynda ınvataksı qyzmetin kórsetýshiler arasynda básekelestik normalaryn qamtamasyz etý josparlanyp otyr. ıAǵnı, atalǵan qyzmet túrin kórsetýshilerdiń bárine birdeı múmkindik qarastyrylmaq», - dep jazylǵan mınıstrlik jaýabynda.

Qazirgi tańda ınvataksı qyzmeti jergilikti bıýdjet esebinen qarjylandyrylady. Byltyr respýblıka kóleminde 2,2 mlrd teńgeniń qyzmeti kórsetilse, bıyl bul soma 2,4 mlrd teńge bolýǵa tıis.

Mınıstrlik málimeti boıynsha, Qazaqstanda 122 ınvataksı qyzmetin kórsetetin uıym bar. Zań boıynsha taks ı qyzmetin kórsetýshi uıymnyń balansyndaǵy ár 10 mashınanyń biri múgedektigi bar adamdar tasymaldaýǵa arnalǵan bolýy kerek. Invataksı qyzmetin paıdalanýshy adamnyń janynda járdemshi bir adam bolsa, ol da aqysyz qatynaýǵa quqyly.

Múgedektigi bar qazaqstandyqtar áleýmettik jelide ózderi tutynatyn búkil qyzmetterdiń jeńildik kartasyn engizýdi usynyp júr. Aıtýlarynsha, múgedektigi bar adamdarǵa kórsetilgen taksı qyzmetin sýbsıdııalaý tutynýshylar úshin tym kúrdeli protsess.

Eńbek jáne halyqty áleýmettik qorǵaý mınıstrligindegiler ınvataksı qyzmetin áleýmettik qyzmetterdiń elektrondy portalyna ótkizý tetikteri múddeli organdardyń, qoǵamdyq birlestikterdiń, sarapshylar men múgedektigi bar azamattardyń qatysýymen ázirlenetinin aıtyp otyr.