Intımdik qyzmet kórsetip, klıentiniń 600 myń teńgesin urlaǵan áıel ustaldy
NUR-SULTAN. QazAqparat – Nur-Sultanda ıntımdik qyzmet kórsetip, klıentiniń aqshasyn urlady degen kúdikpen ustaldy, dep habarlaıdy QazAqparat elordalyq Polıtsııa departamentine siltememen.
«Nur-Sultan qalasy Polıtsııa departamentiniń krımınaldyq polıtsııa qyzmetkerleri urlyq jasady degen kúdikpen 28 jastaǵy áıeldi ustady. Tergeý barysynda qyzdyń túngi ýaqytta ıntımdik qyzmet kórsetý boıynsha jumys isteıtini jáne Qudaıberdiuly kóshesindegi qonaqúıge kelgeni anyqtaldy. Sodan keıin, klıenttiń uıyqtap qalǵanyn paıdalanyp, «Hýaveı» markaly uıaly telefony men 600 myń teńge aqshalaı qarajatyn urlap ketken», - dep habarlady Polıtsııa departamentiniń baspasóz qyzmeti.
Atalǵan faktimen «Urlyq» baby boıynsha sotqa deıingi tergeý júrgizilýde.
«Zattaı aıǵaqtar alynyp, ıesine qaıtaryldy. Kúdikti óz kinásin moıyndady. Onyń elorda aýmaǵynda buryn jasalǵan uqsas qylmystarǵa qatystyǵy tekserilip jatyr. Nur-Sultan qalasy Polıtsııa departamenti saq bolýǵa, qundy qaldyrmaýǵa jáne karantın rejımin saqtaýǵa keńes beredi», - deıdi departament.
