"Interveıl Qazaqstan"JShS qazaqstandyq alǵashqy mobıldi tólem júıesin tanystyrdy
ALMATY. 29 qyrkúıek. QazAqparat /Erlik Erjanuly/ - «Interveıl Qazaqstan» JShS «Digital Communications Kazakhstan 2011» halyqaralyq kórme-konferentsııasynda bank kartochkasy arqyly
mobıldi tólemderin júrgizý qyzmetinde Qazaqstanda balamasy joq MyPaykz tólem júıesin tanystyrdy. Kompanııanyń baspasóz qyzmeti taratqan habarlamaǵa qaraǵanda, buǵan deıingi banktik jobalardan ol ámbebaptyǵymen erekshelenedi. Oǵan kez kelgen qazaqstandyq banktiń tólem kartasymen qosylýǵa bolady. MyPaykz usynysymen qazirdiń ózinde 50-den astam kompanııalardyń qyzmetine aqy tóleýge bolady. Olardyń ishinde uıaly baılanys operatorlary, ınternet, televıdenıe, kommýnaldyq qyzmet jáne taǵy basqalary bar. Usynystar qazaq, orys, aǵylshyn tilderinde júzege asyrylǵan jáne barlyq jaı telefondar men Simbian, Windows Mobile operatsııalyq júıelerindegi smartfondar úshin qoljetimdi. Mobıldi usynys qyzmetine ınternetke qosylǵan kompıýter arqyly (Bluetooth, IrDA-port, kabeldik qosylý) jáne WAP-saıt arqyly baılanysýǵa bolady.
