Interpoldyń «qara tiziminde» turǵan qazaqstandyq azamat Bishkek áýejaıynda ustaldy
BІShKEK. QazAqparat - Qyrǵyzstannyń ІІM qyzmetkerleri Bishkektiń «Manas» áýejaıynda Interpol júıesi boıynsha halyqaralyq izdeýde júrgen qazaqstandyq azamatty ustady.
«Manas» áýejaıyndaǵy jedel-izdestirý sharasyn júrgizý nátıjesinde 1961 jyly týǵan QR azamaty Gýseınov ıÝsıf Poladogly qolǵa tústi. Ol H. ıÝsıf atty Ázerbaıjan azamaty retinde Bishkekten Túrkııa eline ushpaq bolǵan», delingen Qyrǵyzstan ІІM baspasóz qyzmeti taratqan habarlamada.
ıÝ.Gýseınov QR QK 259-baby 3-tarmaǵy boıynsha («Esirtki jáne psıhotropty zattardy zańsyz daıyndaý, satyp alý, saqtaý, tasymaldaý nemese satý») jáne 2013 jyldyń qarasha aıynan Interpol júıesi boıynsha izdeýde júrgeni anyqtaldy.
Qylmystyq is materıaldaryna sáıkes, 2010 jyly sáýirde Petropavlda QR UQK qyzmetkerleri salmaǵy 45 keli bolatyn aýǵan gashıshin qolǵa túsirdi. Bul zańsyz áreketterdi uıymdastyrǵandardyń biri ıÝ.Gýseınov ol kezde izin sýytyp úlgergen. Osy ýaqytqa deıin ol Qazaqstan shekarasynan tys aımaqta, sonyń ishinde Qyrǵyzstan men Ózbekstanda jasyrynyp júrgen.
ıÝ.Gýseınov qamaýǵa alyndy, tıisti tergeý amaldary júrgizilýde.
