Interpoldyń izdeýinde júrgen Qyrǵyzstan prezıdentiniń burynǵy kómekshisi Moldovada ustaldy
ASTANA.KAZINFORM - Kıshınevte Interpol arqyly halyqaralyq izdeý jarııalanǵan qyrǵyzstandyq ustaldy.
Qyrǵyzstan Respýblıkasy Іshki ister mınıstrliginiń málimetinshe, azamatqa qyzmet babyn paıdalanyp asa iri kólemde alaıaqtyq jasady degen aıyp taǵylyp otyr.
Ustalǵan azamat memlekettik qyzmetshi bola tura, azamat S.D.-ǵa asa iri kólemde materıaldyq zalal keltirip, paıda tabý maqsatynda alaıaqtyq jolmen aqsha alǵan.
Buǵan qosa, ol osyǵan uqsas birqatar qylmystardy jasady degen kúdikke ilindi.
Búginde Qyrǵyz Respýblıkasynyń Bas prokýratýrasy ony ekstradıtsııalaý máselesimen aınalysyp jatyr.
Buqaralyq aqparat quraldarynyń habarlaýynsha, ustalǵan azamat Qyrǵyz Respýblıkasy prezıdentiniń burynǵy erikti kómekshisi bolǵan. Ótken jyldyń kúzinde qyzmetinen bosatylǵan ol elden ketip, Qyrǵyzstan prezıdenti men onyń mańaıyndaǵylardy qatań synǵa aldy.
Buǵan deıin Qyrǵyzstannyń UQK 2025 jylǵy alǵashqy sybaılas jemqorlyq qylmysyn ashty.