Aqtaý turǵynyn tonaǵan er adam ınterpoldyń suraýymen Máskeýde ustaldy

ASTANA. KAZINFORM – Máskeýde Qazaqstan ІІM Interpol Ulttyq ortalyq bıýrosynyń suraýymen tonaý jasap, halyqaralyq izdeýde júrgen 33 jastaǵy er adam ustaldy. Bul týraly QR ІІM baspasóz qyzmeti málim etti.

«2018 jyly qaskúnem Aqtaý turǵynyna zorlyq-zombylyq kórsetip, ony tonap ketken. Er adam qamaýǵa alyndy. Qazirgi ýaqytta Qazaqstanǵa ekstradıtsııalaý týraly másele sheshilip jatyr», — delingen habarlamada.

Eske sala keteıik, buǵan deıin jyl basynan beri uıymdasqan qylmysqa qarsy kúres bólinisteriniń qyzmetkerleri 14 kúdiktini ustaǵanyn jazǵan bolatynbyz. Olar ózderin polıtsııa qyzmetkerleri retinde kórsetip, azamattardan aqsha bopsalap, alaıaqtyqpen jáne qylmystyq «qamqorlyq kórsetýmen» aınalysqan.