Interpol Saddam Hýseınniń qyzyna izdeý jarııalady
ASTANA. Sáýirdiń 6-sy. QazAqparat - Qylmystyq polıtsııanyń halyqaralyq uıymy (Interpol) Iraktyń burynǵy prezıdenti Saddam Hýseınniń úlken qyzy 41 jastaǵy Ragad Hýseındi tutqyndaýǵa order berdi. Ol «adam ómirine, densaýlyǵyna, bostandyǵy men abyroıyna qarsy qylmys jasaǵany úshin, sondaı-aq lańkestik áreketi úshin» aıyptalyp otyr,
dep habarlaıdy CNN telekompanııasy.
Iraktyń qazirgi ókimeti R.Hýseın hanymdy biraz jyl boıy qýdalap keledi. Anasymen birge Iordanııada turatyn Ragad hanymdy lańkestikti qoldady jáne sodyrlarǵa materıaldyq kómek kórsetti dep aıyptaýda.
2006 jyly Interpol túrli elderdiń quqyq qorǵaý elderine Ragad Hýseındi izdep tabýǵa qoldaý kórsetýdi ókim etken «arnaıy habar» taratqan bolatyn. Ragad hanymdy ekstradıtsııalaý týraly Iraktyń ótinishin Iordanııa qabyldamaı tastaǵan edi.
R.Hýseın Iraktan 2003 jyly, elge koalıtsııa áskeri kirgen kezde, ketip qalǵan bolatyn. Ol ákesin sotta qorǵaýdy uıymdastyrdy, biraq Saddam Hýseın adamzatqa qarsy qylmysy úshin kináli dep tanylyp, ólim jazasyna kesilgenin barsha jurt biledi.
