Nıgerııanyń Plato shtatynda shabýyldan 40-tan astam adam mert boldy

ABÝDJA. KAZINFORM – Nıgerııanyń ortalyq Plato shtatynda belgisiz sodyrlar tobynyń shabýylynan 40-tan astam adam qaza tapty. Bul aqparatty dúısenbide el prezıdenti Bola Tınýbý rastady, dep habarlaıdy Sınhýa.

– Jeksenbi kúni keshke qarýly adamdar Plato shtatyndaǵy Zıke qaýymdastyǵyna basyp kirip, turǵyndarǵa oq jaýdyrdy, – dep málimdegen jergilikti bılik.

Dúısenbi kúni keshke jarııalanǵan málimdemede Tınýbý adam ólimine baılanysty «tereń ókinish» bildirdi jáne qaýipsizdik organdaryna shabýylǵa jaýaptylardy anyqtaý úshin muqııat tergeý júrgizýdi buıyrdy.

Plato shtaty Nıgerııanyń ortalyq bóliginde ornalasqan. Sońǵy jyldary aımaqta birqatar qandy oqıǵalar boldy. Bir aptadan astam ýaqyt buryn Bokkostaǵy sodyrlardyń jasaǵan birqatar shabýylynan 52 adam qaza taýyp, 2000-ǵa jýyq adam úılerin tastap ketýge májbúr bolǵan edi.