Interpol izdeý salǵan avtokólikter Soltústik Qazaqstannan tabyldy
PETROPAVL. QazAqparat - Interpol izdeý salǵan úsh avtokólik Soltústik Qazaqstan oblysynan tabyldy, dep habarlady «QazAqparat» HAA tilshisi SQO ІІD baspasóz qyzmetine silteme jasap.
Oblystyq ІІD tirkeý-emtıhan bóliminiń basshysy, polıtsııa podpolkovnıgi Sergeı Gızbrehttiń aıtýynsha, «Regýlo 7505» magnıtti-optıkalyq apparattyq kesheniniń kómegimen polıtseıler kólikterden óshirilgen vınn-kodtardy, jalǵan júrgizýshi kýálikterin jáne tehnıkalyq pasporttardy jazbaı anyqtaýda.
Bıyl qurylǵynyń jáne qosymsha krımınalıstıkalyq zertteýlerdiń kómegimen úsh avtokólikti tirkeýge qoıar kezde Interpoldyń izdeý jarııalaǵany habarlandy.
Petropavl turǵyny tirkeýge qoıǵysy kelgen Toıota kóligi 2012 jyly Belorýssııadan, ekinshi ÝAZ kóligi - Chelıabi oblysynan barymtalanǵan. "Lada Kalına" avtokóligi Petropavl turǵynynan urlanǵan. Kólikter tárkilendi jáne aıyp turaǵyna qoıyldy. Barlyq faktiler boıynsha, tekserý jumystary júrip jatyr.
