Interpol Boeing 777 apaty qurbandaryn taný úshin Ýkraınaǵa daǵdarystyq topty attandyrady
ASTANA. QazAqparat - Halyqaralyq qylmystyq polıtsııa (Interpol) Ýkraınaǵa jergilikti ókimet oryndaryna «Malaızııa avıajelileriniń» Boeing 777 jolaýshylar laıneri apatynyń qurbandaryn anyqtaýǵa kómektesetin sarapshylar tobyn attandyrýǵa ázirleýde. 18 shildede uıymnan habarlaǵandaı, mamandar taıaýdaǵy 48 saǵattyń ishinde oqıǵa ornyna kelip jetedi, dep habarlady ITAR-TASS.
«Ýkraın bıliginiń ótinishine oraı Interpol qaıǵyly oqıǵa ornynda shuǵyl áreket etý tobynyń jumysyn óristetip, «Malaızııa aıajelileriniń» MN17 reısiniń qurbandaryn tanýǵa kómektespek», - delingen uıymnyń kommıýnıkesinde. Interpoldan naqtylaǵandaı, Ýkraınaǵa attanatyn daǵdarystyq top quramynda ólgen adamdardy taný salasyndaǵy ozyq tehnologııany biletin sarapshylar keledi.
«Bul qaıǵyly oqıǵanyń qurbandary jer sharynyń ár bóliginen bolýy eskerilip, halyqaralyq yntymaqtastyq mańyzdy faktorǵa aınaldy, biz denelerdiń kimdiki ekenin dál tanýdy qamtamasyz etip, olardy týystaryna tapsyrý úshin jumys isteıtin bolamyz», - dedi Interpoldyń bas hatshysy Ronald Noýbl.
