Interpol Bishkekte jasyrynyp júrgen, adam ólimi úshin izdeý jarııalanǵan qazaqstandyqty ustady
ASTANA. QazAqparat - Interpol Bishkekte jasyyrynyp júrgen,qaraqshylyq shabýyl jasaý men adam ólimi úshin izdeý jarııalanǵan qazaqstandyqty qolǵa túsirdi.
Bul týraly búgin KırTAG Qyrǵyzstan Respýblıkasynyń ІІM baspasóz qyzmetine silteme jasap habarlady.
2015 jyldyń 16 sáýirinde Bishkekte jedel izdestirý sharasyn ótkizý kezinde jaldamaly páterde Interpol jelisi arqyly halyqaralyq izdeýde júrgen Qazaqstan Respýblıkasynyń azamaty, 986 jyly Armenııanyń Abaıansk aýdanynda týǵan Djanık Amoev ustaldy.
Atalǵan azamat QR QK 179 baby 4 bólimi «b» tarmaǵynda qarastyrylǵan qylmysty jasaǵany úshin izdeýde júrgen. Ol qylmystyq toptyń múshesi bolǵan. 2012 jyly 28 qazanda D. Amoev Almaty mańynda turatyn óz týysy K. Amoevty tonaý men óltirý maqsatynda birneshe tulǵamen qylmystyq kelisimge kelgen.
D. Amoevqa 2014 jyldyń sáýirinde Interpol jelisi arqyly halyqaralyq izdeý jarııalandy.
Ony ustaǵan kezde qarsylyq bildirýge tyrysqan.
Qazirgi ýaqytta ol Bishkek qalasyndaǵy ýaqytsha ustaý oqshaýlaǵyshyna qamaldy.
