Interpol Aqtaýda bank dırektorynyń orynbasary bolǵan áıeldi Túrkııada ustady

ASTANA. KAZINFORM - Qazaqstan ІІM Interpol Ulttyq ortalyq bıýrosy túrik áriptesterimen birge asa iri mólsherde alaıaqtyq jasaǵany úshin halyqaralyq izdeýge jarııalanǵan 42 jastaǵy áıeldi Antalıa qalasynda ustady, – dep habarlaıdy Polisia.kz.

2009 jyly ol Aqtaý qalasyndaǵy bankterdiń biriniń dırektorynyń orynbasary bola otyryp, jyljymaıtyn múlik satyp alý úshin 200 myń AQSh dollary mólsherinde nesıe alý týraly ótinishpen qarjy uıymyna júgingen.

Aqshany alý kezinde áıel qaryz alýshynyń qoltańbasyn qoldan jasap, artynan jasyrynǵan.

Ustalǵan adam Qazaqstanǵa jetkizildi. Qazirgi ýaqytta qamaýda.