Internetti jumys ornynda jeke maqsatqa paıdalanýdan AQSh ekonomıkasy jyl saıyn 650 mlrd. dollarǵa shyǵyndanyp otyr
ASTANA. 25 qyrkúıek. QazAqparat - Internettiń múmkindikterin jeke maqsatqa paıdalaný amerıkandyq ekonomıkaǵa jyl saıyn 650 mlrd. dollarǵa túsip otyr.
Bul týraly búgin "Nıý-Iork Ýan" telearnasy habarlady.
Memlekettik mekemelerdiń kóptegen qyzmetkerleri men kommertsııalyq kásiporyndardyń jaldamaly jumyskerleri jumys kezinde ınternetti jeke maqsattaryna paıdalanady. Árbir 10 mınýt saıyn olar týystary men jaqyndarynyń elektrondyq hattaryna jaýap berip, áleýmettik jelilerge belsendi qatysady.
Jumys ornynda otyrǵan amerıkandyqtar áleýmettik jelilerdegi talqylaýlarǵa jıi aralasady. Olardyń arasynda eń tanymaldary - "Feısbýk" /Facebook/ jáne "Tvıtter" /Twitter/.
Áleýmettanýshylar orta statıstıkalyq amerıkandyq «Fesbýk» qoldanýshysynyń bul jelide aıyna 405 mınýt, al «Tvıtterde» sáıkesinshe 89 mınýt bolatynyn eseptedi.
