Internetti jahan boıynsha qaıta qosý ókilettigine ıe 6 adamnan turatyn top quryldy
ASTANA. Shildeniń 28-i. QazAqparat - Arnaıy halyqaralyq komıssııasynyń sheshimimen, Internet jelisi dúnıejúzi boıynsha isten shyqqan jaǵdaıda ony qaıta qosý ókilettigine jáne arnaıy kodtarǵa ıe alty adamnan turatyn top quryldy. Bul týraly brıtandyq VVS radıostansasy habarlap otyr.
Bul toptyń ár múshesi, Internet toqtap qalǵan jaǵdaıda, ony qaıta iske qosýǵa múmkindik beretin kod fragmentterine ıe. Bul kod osy aıda iske qosylǵan jańa qaýipsizdik júıesimen (Domain Name System Security Extensions nemese DNSSEC) qarastyrylǵan. Bul júıeniń ereksheligi sol, tehnologııalyq apat oryn alǵanda nemese telekommýnıkatsııalyq nysandarǵa lańkestik shabýyl jasalǵanda, ol ǵalamtordy jappaı sóndirýge múmkindik beredi.
VVS radıostansasynyń habarlaýynsha, arnaıy top, tótenshe jaǵdaı oryn alǵan jaǵdaıda, olar jınalyp, ǵalamtordy qaıta iske qosa alýlary úshin qurylyp otyr. VVS sondaı-aq, kilt fragmentine ıe adamdardyń biriniń atyn atady, ol - Anglııanyń Bas qalasynda turatyn jáne jergilikti ýnıversıtette sabaq beretin Pol Keın esimdi azamat.
