Internetti damytý qazir memlekettiń basym baǵyttarynyń biri bolyp otyr - Nurlan Izmaılov
ALMATY. 30 mamyr. QazAqparat - Memleket zańdyq negiz jasaý arqyly qazaqstandyq ınternetti damytýǵa yqpal etýde.
Bul búgin Almatyda ótip jatqan i-MІH'12 ınternet konferentsııasynda aıtyldy.
«Bul salany damytýda myna máselelerge erekshe mán berý kerek. Birinshi -bilim berý, ekinshi - ózindik tehnologııalar men jasalymdar. Biz qazir mamandar daıyndaý máselesi boıynsha joǵary oqý oryndarymen jumys jasap jatyrmyz. Sondaı-aq aqparattyq tehnologııalardy damytý ınstıtýtyn qurdyq. Keleshegi zor baǵyttar boıynsha tehnologııalyq serpilis jasaý úshin», - deıdi «Zerde» AQ-nyń Basqarma tóraǵasy Nurlan Izmaılov. Onyń aıtýynsha, qarjy ınstıtýttarynyń bul baǵyttaǵy jumys asa belsendi emes. Sondyqtan memleket pen jeke áriptesttik negizinde olar kontentti damytý qoryn qurǵan. Maqsat - ozyq ıdeıalardy júzege asyrýǵa jol ashyp, qarjy kózderin tartý. Bul jalpy ishki ónimdegi aqparattyq-kommýnıkatsııalar salasynyń úlesin arttyrýǵa oń yqpalyn tıgizedi.
