Internettegi teris sıpattaǵy materıaldardyń 90 paıyzy terrorızmdi nasıhattaýǵa arnalǵan
«Bizdiń mınıstrlik zańǵa qaıshy mazmundaǵy materıaldardy anyqtaý turǵysynda ınternet pen áleýmettik jelilerge turaqty monıtorıng júrgizedi. Sonymen qatar, ınternet-resýrstar ákimshilerine eskertý jasaımyz. Zańnamany buzýdyń qandaı túrleri kezdesedi? Bul rette birinshi kezekte lańkestikti, dinı ekstremızmdi nasıhattaý, sýıtsıdke shaqyratyn materıaldardy taratý, esirtki men qarý satatyn saıttar jáne áleýmettik jelilerdegi paraqshalar sekildi zańǵa qaıshy materıaldar bar. Kún saıyn ondaǵan nemese júzdegen osy tektes ınternet-resýrstar men áleýmettik jelidegi paraqshalardy anyqtaımyz», - dedi N. Maýberlınova.
Osy oraıda vıtse-mınıstr atalǵan másele boıynsha statıstıkalyq málimetterge toqtaldy.
«Eger 2016 jyly 140 myń quqyqqa qaıshy materıal anyqtalsa, 2017 jyly – 300 myńnan astam, al ótken jyly - 130 myń osyndaı materıal tirkeldi. ıAǵnı, 2018 jyly bul kórsetkish tómendedi. 2019 jyly 45 myńnan astam teris sıpattaǵy materıal anyqtaldy. Anyqtalǵan zańsyz materıaldyń 90 paıyzǵa jýyǵy - lańkestikti nasıhattaýǵa arnalǵan. Qalǵandary esirtki taratý, qatygezdik pen zorlyq-zombylyqty, sýıtsıdti jáne pornografııany nasıhattaýǵa baılanysty bolyp tur», - dedi ol.
Nurgúl Maýberlınovanyń atap ótýinshe, qaýipsizdik sertıfıkaty naqty zańǵa qaıshy kontentti shekteýge múmkindik beredi.
Budan buryn habarlanǵandaı, Asqar Jumaǵalıev búginde ınternette zańǵa qaıshy kontent jıi kezdesetinin, sondaı-aq kıberlik qaterler de bar ekenin atap ótti. Osy oraıda tıisti qorǵanysty qamtamasyz etý úshin atalǵan qaýipsizdik sertıfıkaty iske qosylady.Atalǵan sertıfıkat resýrsty emes, naqty quqyqqa qaıshy kontentti shekteıdi.
Aıta keteıik, mınıstr ár adam smartfonǵa qaýipsizdik sertıfıkatyn óz erkimen ornatatynyn jetkizdi.
