Internettegi materıaldardyń «tili» ashyq teketiresti kózdeıdi - E.Toǵjanov
ASTANA. 29 naýryz. QazAparat - Ultaralyq jáne dinaralyq kelisim taqyrybyndaǵy Internettegi materıaldardyń «tili» ashyq teketiresti kózdeıdi.
Bul týraly búgin Astanada Qazaqstandaǵy etnoulttyq saıasattyń aqparattyq qaýipsizdik máselesine arnalǵan dóńgelek ústel otyrysynda Qazaqstan halqy Assambleıasy Tóraǵasynyń orynbasary Eraly Toǵjanov aıtty.
Onyń habarlaýynsha, búginde Qazaqstanda buqaralyq aqparat quraldary ultaralyq jáne dinaralyq kelisim máselesin oıdaǵydaı kórsetip keledi. «Biraq júrgizilgen áleýmettik zertteýlerge sáıkes, ol materıaldardyń 20 paıyzynda astarly maǵyna bar. Ásirese, ol Internet materıaldarǵa baılanysty. Ondaǵy «til» ashyq teketiresti kózdeıdi. Mine, osy máseleni jiti qadaǵalaý qajet», - deıdi E.Toǵjanov.
