Internettegi alaıaqtardy sotqa bergen jerlesimiz qarjysyn óndirte almady
ASTANA. QazAqparat - Aqtaý qalasynyń turǵyny Sh., ınternet arqyly Lavrov Mıhaıl degen adammen tanysyp, avtokólikterdiń tómen baǵalaryna qatysty onyń usynystaryna qyzyǵyp, avtokólikke tapsyrys berip, oǵan MoneyGram júıesi arqyly Portýgalııaǵa jalpy somasy 16 400 AQSh dollary kóleminde aqsha aýdarǵan.
Taýardy satyp alý Máskeý qalasynda júzege asyrylýyna baılanysty, ol jerge mámileni resimdeý úshin taýardy satýshy M.Lavrov kelýi kerek bolǵan.
MoneyGram aýdarma júıesiniń meken-jaıy kórsetilmegendikten, alýshy olardy osy júıeniń kez kelgen qyzmet kórsetý pýnktinen ala alady.
Mundaı jaıttyń kúmán týǵyzatyndyǵyn estigen Sh. aqshany aýdarǵan soń bes kúnnen keıin bankke aqsha aýdarymyn keri qaıtarý jóninde júgingen, alaıda, bankten MoneyGram kompanııasynyń Portýgalııadaǵy agenti aýdarmalardy alýshyǵa bergeni týraly jaýap alǵan.
Sh. aýdarǵan aqshany alý úshin adresatqa biregeı kod nomerin habarlamaǵanyn kórsetip, «Qazaqstan halyq jınaq banki» AQ-dan aýdarǵan aqsha somasyn óndirip alý týraly talap aryzymen Aqtaý qalasynyń №2 sotyna júgingen. Sonymen birge, bank Portýgalııada biregeı kodsyz aýdarǵan aqshany alýǵa bolatynyn oǵan eskertpegen.
Sot isti máni boıynsha qarap, talapkerdiń talap aryzyn qanaǵattandyrýdan bas tartty.
Bul jerde alaıaqtar «jyljymaıtyn múlik, avtokólik jáne t.b. buıymdardy tómen baǵamen satamyz» dep ýáde berip, tólem qabilettiliginiń kepili retinde aqsha somalaryn MoneyGram nemese WesterUnion júıeleri boıynsha biregeı kodyn kórsetip, óz atyna nemese týystarynyń attaryna aýdarýdy usynyp, sengish azamattardy aldaýdyń bir ǵana jolyn paıdalanǵan.
Jábirlenýshiniń kelisimin alyp, alaıaqtar odan biregeı kodsyz bank qujatynyń kóshirmesin skanerden ótkizip, elektrondy poshtamen olardyń meken-jaıyna jiberýdi suraǵan.
Sh. aqshany alǵan soń habarsyz ketken M.Lavrovqa aldanyp qalǵan.
Portýgalııa, Frantsııa jáne t. b. elderde aqsha aýdarmalaryn alý úshin biregeı kodtyń qajettigi joqtyǵyn atap ótken jón.
Naqty is boıynsha bank aqsha qarajatyn jiberýshi tarap retinde aqsha aýdarmalaryn júrgizý erejelerine sáıkes klıenttiń MoneyGram júıesi arqyly aqshany aýdarý týraly nusqaýyn oryndaǵan.
