Internettegi balalar qaýipsizdigi: Ár 11-shi qyz beıtanys adammen kezdesýge barǵan
ASTANA. KAZINFORM – Internet keńistigindegi balalardyń qaýipsizdigi kóńil kónshitpeıdi. Zertteý nátıjesinde elimizde balalar ózi jaıly málimetter men fotolaryn beıtanys adamǵa jiberý derekteri anyqtaldy. Bul týraly QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova aıtty.
— Ótken jyly biz ıÝNISEF qorymen birlese «Kazakhstan Kids Online. Qazaqstandaǵy balalardyń tsıfrlyq ómiri» taqyrybynda 1200 balanyń qatysýymen áleýmettik zertteý júrgizdik. Onyń nátıjesi balalarǵa ınternet keńistigindegi qaýip táýekelderiniń deńgeıi joǵary ekenin kórsetti. Máselen, ár 10-ynshy bala beıtanys adamǵa óziniń fotosyn joldaǵan. Ár 11-inshi qyz beıtanys adammen kezdesýge barǵan. Bul ár pedagog, ár ata-ana balasymen óte joǵary senimge negizdelgen qarym-qatynasta bolýy mańyzdy ekenin kórsetedi. Ondaı qarym-qatynas tek meıirim men mahabbat bolǵan otbasynda ǵana bolady, - dedi ol OKQ alańynda.
Komıtet tóraǵasynyń aıtýynsha, jasóspirimder ásirese 15-17 jasta óz basynda bolyp jatqan oqıǵalardy aıtýǵa júreksinedi.
Aıta ketsek, sońǵy bes jylda 18-ge tolmaǵan 12 myńdaı qyz júkti bolǵan.