Internette Soltústik Koreıanyń jańa basshysy Kım Chon Yn óltirilgeni týraly sybys paıda boldy
ASTANA. 11 aqpan. QazAqparat - Áleýmettik jelilerde Soltústik Koreıanyń qazirgi kóshbasshysy Kım Chon Ynnyń qazaǵa ushyraǵany týraly habarlar paıda boldy.
RBK agenttiginiń habarlaýynsha, aldymen qytaıdyń Sina Weibo jelisinde, odan keıin Twitter-de soltústikkoreıalyq kóshbasshy Beıjińde KHDR elshiliginiń janynda óltirilgeni týraly habarlar taratylǵan.
Degenmen ITAR-TASS-tyń habarlaýynsha, amerıkandyq barlaý qoǵamdastyǵy bul aqparattardyń qýattalmaǵandyǵyn aıtady.
«Mundaı KHDR sııaqty jabyq qoǵamdyq qurylysta bárine 100 paıyz senýge bolmaıdy», dep málimdedi CNN-ge aty-jóni aıtylmaǵan amerıkandyq bılik ókili. «Qazirgi sátte bul aqparat shyndyqqa sáıkes kelmeıdi dep sanaımyz», - dep atap kórsetti derekkóz.
«Soltústikkoreıalyq áskerlerdiń qozǵalysy jáne basqa da belsendiligi týraly dálelder joq, eger aıtylǵan oqıǵa bolsa, ártúrli tolqýlar bolýy múmkin edi», dedi ókimet ókili. Ol Kım Chen Ir qaıtys bolǵannan keıin KHDR armııasy bólimsheleri kúsheıtilgen jaýyngerlik daıarlyq rejımine keltirilgenin eske saldy.
Esterińizge sala keteıik, KHDR kóshasshysy Kım Chen Ir 2011 jylǵy 17 jeltoqsanda dúnıeden ótti. Ol 70 jasqa qaraǵan shaǵynda júrek syrqatynan kóz jumdy. Qaıtys bolǵan kóshbasshynyń kishi uly Kım Chon Yn óz ákesiniń isin «uly jalǵastyrýshy» jáne onyń murageri bolyp ataldy.
