Internette Prezıdent atyna ádepsiz sózder jazǵandar aıyppul tóleıdi
ASTANA. QazAqparat - Ázerbaıjanda Internette el prezıdentiniń ar-namysy men abyroıyn túsirýge nemese qorlaýǵa talpynǵan azamattarǵa qylmystyq jaýapkershilik engizildi.
Ázerbaıjan basshysy osyndaı sheshim qabyldady, dep jazady Vesti.az.
Parlamentke usynysty bas prokýror Zakır Garalov jasady.
Buǵan deıin ázerbaıjan zańnamasynda prezıdentti buqaralyq aqparat quraldarynda balaǵattaǵany úshin jaza qarastyrylǵan bolatyn. Endigide zańnyń babyna «aqparattyq ınternet-resýrstar» termıni de engizildi. Zańdy buzǵandar 500-1000 manat (99-193 myń teńge) kóleminde aıyppul tóleıdi nemese eki jylǵa túzetý jumystaryna jegiledi. Bolmasa eki jylǵa bas bostandyǵynan aıyrylady.
Al «ınternettiń aqparattyq resýrstarynda» jalǵan profılder men akkaýnttardy paıdalana otyryp, el prezıdentiniń atyna balaǵat jazatyndardy budan da qatań jaza kútip tur. Olarǵa 1000-1500 manat (193-303 myń teńge) kóleminde aıyppul salynady nemese úsh jylǵa bas bostandyqtarynan aıyrylady.
