Internette qaskóılerdiń ıtti tiri kúıinde qazanda qaınatyp jatqan vıdeosy tarady
ASTANA. QazAqparat - Áleýmettik jelide tiri ıtti qazanǵa salyp, qaınatyp jatqan vıdeo tarady.
Beınejazbany Facebooc-ke jelini paıdalanýshylardyń biri ornalastyrdy. Qytaı tilinde sóılegen adamdar oshaqqa qoıylǵan qazanǵa tiri ıtti salyp, qaınatady. Azaptalǵan janýar jan ushyra qyńsyldaı bastaıdy. Vıdeodan muny balalardyń da tamashalap turǵanyn jáne jantúrshigerlik kórinis olarǵa unap otyrǵanyn kóńildi daýystarynan baıqaýǵa bolady. Keıin er adamdar denesi men aıaqtary ábden qurysqan janýardy ottan túsirip, júnin qolmen jula bastaıdy. Denesiniń jarty bóligi terisine deıin sypyrylǵan kezde, ıt kenetten, esin jıyp, qasha jóneledi. Janýardan muny kútpegen adamdar bir-birin kúlki etip, ıttiń artynan qýa bastaıdy.
Asqan qatygezdik vıdeo Internet paıdalanýshylardyń ashý-yzasyn týdyrýda.
Eske salsaq, jeltoqsan aıynyń sońynda ınternette Saha Respýblıkasynda aıýdy eki «Ýral» kóligimen basyp, ony metall temirmen uryp óltirgen adamdardyń vıdeosy paıda bolǵan edi. Atalmysh fakti boıynsha qylmystyq is qozǵaldy. Tergeýdi ıAkýtııanyń tabıǵatty qorǵaý mınıstrligi men prokýratýra júrgizýde. Keıin qaskóıler ustalyp, olardan tergeýshiler jaýap aldy.
Moraldy-etıkalyq túsinikterge oraı "QazAqparat" HAA vıdeony saıtqa ornalastyrmaıdy. Ony myna jerden kórýge bolady.
