Internette esirtki satty degen kúdikpen aýyl turǵyndary ustaldy
ASTANA. QazAqparat - Almaty oblysynda Internet arqyly esirtki taratýy múmkin kúdiktiler ustaldy. Olardy qolǵa túsirý operatsııasynyń vıdeosyn QR Іshki ister mınıstrligi áleýmettik jelide jarııalady, dep habarlaıdy QazAqparat.
«Esirtki bıznesine qarsy kúres basqarmasynyń jedel toby Ulttyq qaýipsizdik komıtetiniń departamentimen birlesip, ınternet arqyly esirtki satýy múmkin eki aýyl turǵynyn ustady jáne esirtkiniń iri partııasyn tárkiledi. Jedel sharalar nátıjesinde aýdandardyń birinen esirtki jasap, ólshep-oraıtyn kishigirim zerthana tabyldy. Sol orynda alty keliden astam esirtki tárkilendi», - dep habarlaıdy polıtseıler.
Esirtki zattaryn saqtaý jáne satý kúdigimen óńirdiń eki turǵyny ustalyp, ýaqytsha oqshaýlaǵyshqa toǵytyldy. Tabylǵan esirtki zattaryna saraptama jasalady. Oblystyq polıtsııa atalǵan oqıǵa boıynsha sotqa deıingi tergeý jumystaryn jalǵastyrýda.
