Internette aıýdy azaptap óltirgen kúdiktiden jaýap alynǵan vıdeo paıda boldy

Janýardy basyp óltirip, jurttyń narazylyǵyn týdyrǵan azamattar óz qylyqtaryn «qorǵanys» dep atady, dep habarlaıdy QazAqparat «RIA Novostı» agenttigine silteme jasap.

Er adamdardyń aıtýynsha, vahtashylar janýarmen sýretke túsý úshin onyń sońynan 200 metrdeı júrgen. Nátıjesinde aıýdy «shaǵyn qaltashaǵa» qýyp-tyǵý múmkin bolǵan. Budan ári jyrtqyshtyń artqy jaǵynan ekinshi kólik kelip toqtaǵan. Aıý joldyń boıyna otyryp alyp, onyń jolyn bógegen.

«Ol tórt aıaǵyna tura bastaǵanda barlyǵy qorqyp, qashyp ketti. Júrgizýshi sasqalaqtap, aıýǵa qaıra júre bastady. Aıý joldan ketip, oppy qarlarǵa qaraı qashty. Júrgizýshi ony qorqytý úshin artynan júre berdi. Adamdar joldyń boıynda qaldy», - dep eske aldy kúdikti. Ol júrgizýshi aıýdy basqan, ne baspaǵanyn kórmegenin aıtqan.

Budan keıin kúdikti aıýdy sýretke túsirmek bolyp, onyń janyna kelgen. Biraq taıana bergen kezde jyrtqysh aıaǵyna tura bastaǵan. Avtokólikter oǵan kómektesý úshin «fotografqa» qaraı júrgen. Nátıjesinde, ań eki «Ýral» kóliginiń astynda qalǵan.

«Aıý eki mashınanyń arasynda qysylyp qalǵan eken. Jigitter syrtqa shyǵyp, sýretke túsire bastady. Aıý boı kóterýge tyrysty. Men qolyma bir nárse berýdi suradym, olar maǵan lom berdi, men ony bir urdym. Odan keıin jigitterden mashınaǵa qaıyra otyrýdy suradym. Sebebi aıý ornynan tursa jaqsy bolmaıtynyn eskerttim», - dedi er adam.

Aıý tynyshtalǵannan keıin kólikter onyń janynan ketken. Onyń sózinshe, jartqysh taǵy 50 metr júrip baryp, qarǵa basymen qulaǵan.

Buǵan deıin habarlaǵanymyzdaı, ınternette aıýdy eki «Ýral» kóligimen basyp, ony metall temirmen uryp óltirgen kadrlar kórsetilgen vıdeo paıda boldy. Rolık áleýmettik jeli qoldanýshylarynyń ashý-yzasyn týdyrdy. Atalmysh fakti boıynsha qylmystyq is qozǵaldy. Janýardy óltirý boıynsha tergeý jumystaryn ıAkýtııanyń tabıǵatty qorǵaý mınıstrligi men prokýratýra júrgizýde.