Internette Astana aspanyndaǵy «qosarlanǵan» kempirqosaq talqylanýda (FOTO)
ASTANA. QazAqparat - 19 mamyr kúni keshte Astana turǵyndary men qonaqtary elorda aspanynda paıda bolǵan «qosarlanǵan» kempirqosaqty tamashalady. Nóser jańbyrdan keıin tabıǵattyń tosyn qubylysy ınternet-paıdalanýshylarynyń kóńil-kúıin kótergen bolsa kerek, jelide belsendi talqylaý týǵyzdy.
Kempirqosaqty Astana ýaqytymen 19:30-da kórýge múmkinshilik boldy. Onyń fotosýretterimen «Astana - Kim? Ne? Qashan?» tobynyń jazylýshylary Facebook áleýmettik jelisinde bólisti.
Bireýler «qosarlanǵan» kempirqosaqty kórgenin aıtyp, óz sózderin sýrettermen qýattaýǵa asyqty. Sirá, tabıǵattyń osynaý tosyn syıy birneshe kúnge jalǵasqan nóser jańbyrdan keıin jurtshylyqtyń kóńil-kúılerine shýaqty áser qaldyrǵan syńaıly.
