Internetsiz mektepter elektrondy qujattardy qaǵaz túrinde toltyrady - mınıstrlik
«Tsıfrlyq bilim berý resýrstary belsendi qoldanylýda. Ár pán boıynsha resýrstar mektepterge 100 paıyz jetkizildi, eńdi muǵalimder ony tıimdi paıdalana bilýi qajet. Mınıstrlik usynysymen jańa oqý jylynan bastap ár balaǵa jeke logın beriledi. Endi tsıfrlyq resýrstar úıde de, mektepte de bárine tegin qoljetimdi bolady», - dedi mınıstr.
Budan bólek E. Saǵadıev mektepterdegi elektrondy qujattar máselesine jeke toqtaldy.
«Mektepterge kelsek, elektrondy qujattardy keń jolaqty ınterneti joq mektepterde ǵana qaǵaz túrinde toltyrýǵa ruqsat beriledi. Tsıfrlandyrýdy, ıaǵnı IT tehnologııalar men robototehnıkany damytý úshin qosymsha bilim berýdiń múmkindikterin paıdalaný kerek. Jergilikti atqarýshy organdar robototehnıka, baǵdarlamalaý, 3D-prıntıng synyptaryn ashýda. Qazirgi ýaqytta bir jarym myń mektepte osyndaı synyptar bar. Sonymen qatar, barlyq óńirlerde IT-lıtseılerin ashý josparlanýda. Ol úshin biz tıisti normatıvti daıyndap berdik», - dedi vedomstvo basshysy.