Internetpen tanysqan boıjetkendi áýejaıda 10 kún kútken er adam aýrýhanaǵa tústi
ASTANA. QazAqparat - Gollandııalyq Aleksandr Pıter Kırktiń Qytaıdyń áýejaıynda tanysý saıtynda kezdesýge kelisken boıjetkendi 10 kútip júrgeni jańalyqtarǵa shyǵyp ketti. Qytaılyq boıjetkenniń ol tek Chjan degen tegin ǵana bilgen, alaıda ýádelesken qyz kezdesýge kelmegen, dep jazady Mashable.
41 jasar golland 4 500 kılometr jerden ushyp kelip, áýejaıda 26 jasar boıjetkendi 10 kún kútken. Olar saıtta tanysqannan keıin eki aıdan soń jolyǵysýǵa ýádelesken. Bir qyzyǵy qytaılyq BAQ aýqatty eýropalyqty aldap ketken Chjandy taýypty, ol ǵalamtordaǵy tanysynyń áreketine tań qalǵan. Er adamnyń «Eýropadan ushyp kelemin» degenine ázil dep mán bermegen.
Áýejaıdy on kún panalaǵan Kırkiń jaǵdaıy nasharlap, aqyry aýrýhanaǵa túsken. Esin jıǵan golland eline qaıtqan. Al batystyq BAQ-tardyń jazýynsha, Chjan tanystyqtaǵy qolaısyzdyqty joıyp, Kırkpen aldaǵy ýaqytta kezdesýge beıil ekendigin bildirgen.
