Internetke Stalınniń muraǵattary ornalastyryldy
ASTANA. 12 maýsym. QazAqparat - Reseı memlekettik muraǵaty Iosıf Stalınniń qoryn ınternetke ornalastyrdy, dep habarlady reseılik «Jańalyqtar» agenttigi.
«Keńestik dáýirdiń qujattary» saıtynda onyń hattary, sózderi, jazbalalary, maqalalary jáne basqa da qujattary qoıylǵan. Ashyq túrde Stalın qorynyń jáne SOKP Ortalyq Komıteti saıası bıýrosynyń barlyq 400 myń bettik qujattary qoljetimdi. Bul jobanyń tanystyrylymy 11 maýsymda ótti.
Muraǵattyń jalpy kólemi 100 myńǵa jýyq qujatty quraıdy. Ony sandyq júıege kóshirýge mamandar bes jyl jumsady.
«Stalın qory» bóliminde «Avtorlyq qujattar», «Stalınniń kitaphanasynan alynǵan jáne ol belgi salǵan kitaptar», «Ómirbaıandyq qujattar», «Stalınniń 70 jasqa tolýyna baılanysty quttyqtaýlar», «Stalınniń syrqattanýy men qaıtys bolýyna baılanysty joldanǵan hattar men jeldelhattar» degen sanattar boıynsha toptastyrylǵan.
«Rossııskaıa gazetaǵa» bergen suhbatynda «Reseı muraǵatynyń» dırektory Andreı Artızov keńestik dáýirdiń basynan bastap qujattardy jarııalaýǵa bul kezeńniń kúrdeli bolǵany sebep boldy. «Keńestik dáýirdi «jaqyndata túsip», bul kezeńde biz maqtan ete alatyn laıyqty oqıǵalardy jáne jańa Reseı neden bas tartýy qajet» degen máseleni aıqyndaý qajet», - dedi ol.
Artızovtiń aıtýynsha, budan ári keńestik memlekettiń basqa da qaıratkerleri - Nıkıta Hrýşevtiń, Leonıd Brejnevtiń, Vıacheslav Molotovtyń jáne basqalarynyń qorlary jarııalanady.
