Internetke otyrǵan úzdik 10 el
ASTANA. QazAqparat - Internetsiz ómir súre alamyz ba? Sirá, bul múmkin bolar, degenmen eshkimde bulaı táýekel etkisi kelmeıdi. Óıtkeni jeli qazirgi adamnyń búkil qajetin qanaǵattandyryp tur. International Telecommunications Union adamdardyń basym bóligi jelide otyratyn úzdik elderdiń 10-dyǵynyń tizimin jasady. Vestifinance.ru saıtynyń jazýynsha, málimetter jańa - 2013 jylǵy.
10. ShVEITsARIıA, 85,2% Shveıtsarııada ınternet óte jyldam jumys isteıdi. Bul halyqaralyq áriptestikke, atap aıtqanda bankıngke arqa súıegen el ekonomıkasynyń qalypty jumys isteýi úshin qajet. Halqynyń basym bóligi, (ıaǵnı shveıtsarlyqtardyń úshten biri 55 jastan asqan) qartaıyp kele jatsa da, azamattarynyń 15 paıyzy ǵana ınternetti paıdalanbaıdy.
9. KANADA, 86,8%
Kanadalyq ınternet naryqta qyzyq jaǵdaı qalyptasty: munda básekelestik jetispeıdi. Eki oıynshy ǵana bir-birimen saıysqa túsýde. Sonyń nátıjesinde - jelige qosylý jyldamdyǵy eń tómengi kórsetkishte. Biraq ta kanadalyqtar buǵan kóndikken, óıtkeni óz ómirlerin ınternetsiz elestete almaıdy. 8. ULYBRITANIıA, 87%
Eger Kanadada bılik ınternet-naryqtaǵy básekelestik máselelerine onsha nazar aýdarmaıtyn bolsa, Ulybrıtanııada oǵan kóńil múldem kóp bólinip otyrǵan syńaıly. Munda kóptegen oıynshylar bar, sondyqtan da qosylý jyldamdyǵy jáne sıgnal sapasy óte joǵary, alaıda bılik tsenzýra elementterin engizýge tyrysýda. Bul «jeli beıtarap» prıntsıpin buzýǵa ákep soǵady.
7. JAŃA ZELANDIıA, 89,5%
Jańa Zelandııa - ınterneti jaı jumys isteıtin eldiń biri. Óıtkeni naryq shaǵyn, sondyqtan da oǵan aqsha salý tıimsiz. Nátıjesinde - qosylý jyldamdyǵy boıynsha 46-shy orynda. Degenmen memleket jobany derbes qarjylandyrýǵa tyrysýda, onyń aýqymynda osy onjyldyqtyń sońynda el halqynyń 75 paıyzy keń jolaqty ınternetpen qamtamasyz etilmek.
6. FINLıANDIıA, 91%
Fınlıandııa óz domenine ıe bolǵan alǵashqy eýropalyq elderdiń biri. Fi ondaǵan jyldar boıy óz ınfraqurylymyn belsendi jetildirýde. 2009 jyly ókimet oryndary barlyq azamattardyń shapshań optıkalyq-talshyqty ınternetke qol jetimdiligin qamtamasyz etýge ýáde berdi. 2015 jyly Fınlıandııanyń búkil halqy jyldamdyǵy sekýndyna 100 megabıttik ınternetpen qamtamasyz etilýi tıis. Bul álemdegi eń joǵary kórsetkishterdiń biri bolmaq.
5. DANIıA, 93%
Google-diń 2012 jylǵy zertteýlerine sáıkes, Danııa uıaly ınternettiń jyldamdyǵy jaǵynan Koreıa Respýblıkasyna ǵana jol beredi jáne úı ınternetiniń jyldamdyǵy boıynsha álemde 6 orynda. Eýropanyń birqatar elderi sııaqty Danııa bıligi de jelidegi zańsyz kontentpen jáne qaraqshylyqpen kúresýde, The Pirate Bay jelisin buǵattap, tsenzýra elementterin engizýde.
4. NIDERLANDY, 93%
Nıderlandy bıligi búkil eldi «ınternettendirý» baǵdarlamasyn belsendi qoldaýda. 2010 jylǵy reformadan keıin keń jolaqty ıntenrnetke qol jetimdi úı sharýashylyqtarynyń sany 700 myńnan 7 mln.-ǵa deıin ósti. Sonymen birge el «jelilik beıtaraptyq» prıntsıpin qoldaıdy: kontent máselesine aralaspaıdy jáne keıbir oıynshylardyń basqalardan basymdyqty artyqshylyqqa ıe bolýyna jol bermeıdi.
3. ShVETsIıA, 94%
Shvetsııa uıaly ınternet jyldamdyǵy boıynsha álemde 5-shi, úı ınterneti jóninen - 8-shi orynda. Uzaq ýaqyt boıy eldiń qaraqshylarǵa bosańdyǵymen aty shyqty, tipti The Pirate Bay torrent-trekeri qyzmet isteýin qoldady da. Keıinirek bılik aqyry portaldyń negizin qalaýshylardyń biri Peter Sýndeni tutqyndaýǵa uıǵardy.
2. NORVEGIıA, 95%
Norvegııa amerıkandyqtardyń qoldaýymen aǵylshyn tili negizgi emes elderdiń ishinde ınternetke alǵashqy qosylǵan el boldy. Kóptegen qonystar taýly jerlerde bolýyna qaramastan el ókimeti jáne ınternet-provaıderler azamattardyń basym bóliginiń ınternetke qoljetimdiligine qamqorlyq jasaýda. Keıbir aýyldyq jerlerde ınternetten góri aýyzsý jóninen problemalar jeterlik.
1. ISLANDIıA, 96,2%
Islandııada búkil halyqty keń jolaqty ınternetpen qamtamasyz etý óte kúrdeli boldy. Elde adamdar kóp emes, al ınfraqurylym jasaý qymbat. Biraq ta búginde úı sharýashylyqtarynyń 83,2 paıyzy optıkalyq-talshyqty jelige qosylǵan. Bılik tarapynan jelige ishinara tsenzýra ornatýǵa tyrysýyna qaramastan, ıslandtyqtar ómiriniń basym bóligin ınternet-keńistikte ótkizedi.
