Internetke qazaqstandyq jol polıtsııasynyń bedelin túsiretin beınerolık ornalastyrǵan qyrǵyzstandyq júrgizýshi tutqyndaldy - ІІM ókili
ASTANA. Qyrkúıektiń 22-si. QazAqparat /Marlan Jıembaı/ - Internetke qazaqstandyq jol polıtsııasynyń bedelin túsiretin beınerolık ornalastyrǵan qyrǵyzstandyq júrgizýshi tutqyndaldy.
Bul týraly búgin elordada QR Іshki ister mınıstrliginiń resmı ókili Qýanyshbek Jumanov málim etti.
«A.Palenyıǵa qatysty QR Qylmystyq kodeksiniń 320-shy baby boıynsha qylmystyq is qozǵaldy. Qyrkúıektiń 17-inde sot ony tutqyndaýǵa sanktsııa berdi», dedi resmı ókil.
Q.Jumanovtyń aıtýyna qaraǵanda, qazirgi ýaqytta osy is boıynsha tergeý amaldary júrgizilýde.
Esterińizge sala keteıik, qyrkúıek aıynyń basynda birqatar BAQ Almaty qalalyq jol polıtsııasy basqarmasy qyrǵyzstandyq júrgizýshi Aleksandr Palenyı ınternetke ornalastyrǵan beınerolıkke baılanysty qyzmettik tekserý júrgizip jatqandyǵyn habarlaǵan bolatyn. Ol kóligin toqtatyp, mashınanyń kapoty men júk salǵysh bóligin ashýyn talap etken jol polıtsııasy qyzmetkerin kameraǵa túsirip alǵan. Osydan keıin óziniń uıaly telefonynan polıtsııaǵa habarlasyp, JPB qyzmetkeriniń zańsyz áreketi týraly habarlaǵan.
