Internetke baqylaýdy kúsheıtýge qatysty qarsylyq aktsııasy ótkizildi
ASTANA. QazAqparat - Ystambul ortalyǵynda ınternetke baqylaýdy kúsheıtý týraly zańǵa qatysty qarsylyq aktsııasy ótti, dep habarlaıdy euronews.
Atalmysh zań jobasy bılikke saıttardy oqshaýlaýǵa múmkindik berip, ınternet-provaıderlerdi jeliniń tutynýshylary týraly málimetterdi saqtaýǵa mindettep otyr. Osyǵan oraı halyq zańǵa qarsylyq sharasyn ótkizý maqsatynda ereýilge shyqty. Soǵan qaramastan, sanaýly kúnniń ishinde bıliktiń bastamasymen eldegi júzdegen saıttyń jumysy toqtatyldy.
Ereýilshilerdi toqtatý úshin polıtsııa sý shashyp, rezına oqtary men gazdy paıdalanyp jatyr. Al ereýilshiler bolsa olarǵa jaýap retinde tas pen jandyrǵysh zaty bar bótelke laqtyrýda.
«Ereýilshiler premer-mınıstrdiń «eshkim de ınternetke tsenzýra qoımaıdy» degen sózine senbeıdi. Sondyqtan, olar prezıdent atalmysh zań jobasyna tyıym salady dep úmittenip otyr» delingen telearna habarlamasynda.
