Interneti joq aýylda turatyn stýdentter qalaǵa kelip, jataqhanada tura alady - mınıstr

NUR-SULTAN. QazAqparat - Interneti joq aýylda turatyn stýdentter qalaǵa kelip, jataqhanaǵa ornalasa alady. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Interneti joq aýyldarda turatyn stýdentter qalaǵa kelip, sanıtarlyq-epıdemıologııalyq norma saqtalatyn joǵary oqý oryndarynyń jataqhanalarynda oqshaýlanyp tura alady»,- dedi ol Ortalyq kommýnıkatsııalar qyzmetinde ótken baspasóz máslıhatynda BAQ ókilderiniń saýalyna oraı.

Onyń atap ótýinshe, jataqhanalarda stýdentter jyldamdyǵy joǵary ınternetpen qamtamasyz etiledi.

«Olarǵa jataqhanada turyp, oqý úshin jeke baǵdarlama ázirlenip, arnaýly múmkindik jasalady», - dedi Ashat Aımaǵambetov.