Internet jyldamdyǵy tórt ese ulǵaıady
ASTANA. QazAqparat - Amerıkandyq ІVM kompanııasy paıdalanýshylardyń qosylý jyldamdyǵyn búgingiden góri birneshe ese qamtamasyz etetin tehnologııany usyndy.
Bul týraly RBK habarlady.
1992 jyldan bastap kún saıynǵy ınternet-aǵynynyń sany jıyrma mıllıon ese ósti. Álemdik jelide saqtalatyn aqparattyń sany únemi ósý ústinde, sondyqtan da kabelderdiń ótkizý qabiletin arttyrý - ІT-mamandardyń birinshi kezektegi mindetterine aınaldy. ІVM ınternet-qosylystardy sekýndyna 200-400 gıgabıtke deıin shapshańdatatyn jańa chıptiń modelin usyndy. Sonymen birge, ol qýatty energııa kózderin qajet etpeıdi.
Máselen, osyndaı jyldamdyqta 160 gıgabaıttyq fılmdi qas-qaǵymda - nebári 2 sekýndtyń ishinde joǵary sapada kóshirip alýǵa bolady. Sondaı-aq 40 myń ándi júkteýge de osynsha ýaqyt jetedi.
Taǵy bir aıta keterligi, chıp paıdalanýshynyń kompıýterine nemese roýterine emes, málimetter serverine qosylady. Sondyqtan da eshteńe satyp alýdyń da qajeti bolmaıdy.
Ázirge chıp alǵashqy nusqa retinde bolyp otyr, kezi kelgende bul tehnologııa jelige engizilmek. Bir tapsyrys berýshi qazirdiń ózinde bar - ol Semtech kompanııasy. Endi jaqyn ýaqyttarda «Al seniń ınternetińniń jyldamdyǵy qandaı?» degen suraq jaıyna qalatyn bolady.
