Internet jelisindegi memlekettik tildegi aqparattardyń joqtyǵyna quzyrly mınıstrlik ókilderi de alańdaýly
ASTANA. 28 jeltoqsan. QazAqparat /Aıdar Ospanalıev/ - Internet jelisindegi memlekettik tildegi aqparattardyń joqtyǵy Baılanys jáne aqparat mınıstrligi ókilderiniń ózderin alańdatyp otyr. Bul másele jóninde búgin Bnews.kz portaly arqyly ótken on-laın konferentsııa barysynda Baılanys jáne aqparat mınıstriniń orynbasary Sáken Sársenov málim etti.
«Internettegi aqparattar leginiń azdyǵy bizdiń ózimizdi alańdatyp otyr. Óıtkeni Qazaqstanda ınternet qarqyndy damyp keledi. Alaıda bizde qazaq tilindegi saıttarmen baılanysty problema bar ekeni ras. Buǵan biz qazir basa kóńil bólip otyrmyz. Bul máselemen qazir ásirese «Kazkontent» kompanııasy belsendi aınalysýda. Esterińizde bolsa, biz jaqynda ǵana www.baq.kz saıtyn iske qostyq. Bul saıtty qazaq tilindegi aqparat quraldarynyń kórsetkish quraly deýge bolady. Osy saıt arqyly eldegi barlyq arnalardy emin-erkin tamashalaýǵa bolady»,-dedi vıtse-mınıstr.
Onyń sózine qaraǵanda, qazaq tilindegi saıttardy damytýǵa baılanys jáne aqparat mınıstrligi daıyn. Alaıda bul máseleni jalǵyz ǵana mınıstrliktiń kúshimen júzege asyrý múmkin emes. «Sondyqtan biz qazaq tiliniń damýyna múddeli toptardyń barlyǵyn ortaq iske úles qosýǵa shaqyramyz. Biz olar tarapynan aıtylǵan kez-kelgen jaqsy ıdeıany qoldaýǵa daıynbyz», - dedi mınıstrdiń orynbasary.
