Internet jelisinde «Sheremetevo» áýejaıynda aqsha tasymaldaýshyǵa shabýyl jasaǵan beınejazba paıda boldy
ASTANA. QazAqparat - YouTube portalynda aqsha tasymaldaýshyǵa urylardyń shabýyl jasaýy tirkelgen, máskeýlik "Sheremetevo" áýejaıynyń baqylaý kamerasyna túsip qalǵan beınejazba shyqty. Erekshe maqsattaǵy mılıtsııa jasaǵynyń kıimin kıgen qylmyskerlerdiń oljasy 3,3 mıllıon dollar. Bul tonaýshylyq oqıǵa 2014 jylǵy 5 mamyrda "Sheremetevo-2" E termınalynyń aýmaǵynda oryn alǵan.
Іs boıynsha jábirlenýshi Dýbaıdan Máskeýge ushyp kelgen jolaýshy. Qaskúnemder oǵan tap bergende, valıýta tasymaldaýshy termınal ǵımaratynan shyǵaberiste shyny esikter arasynda turǵan. Bireýdi kútip turǵan bolý kerek, ol ózin eleýsiz ustaýǵa tyrysqan. Tonaýshylar nysanadan jańylmaı áreket etse de, ony birden baıqaı qoımady.
Biraz ýaqyttan keıin jalǵan mılıtsııa qyzmetkerleri kólikke otyryp, boı tasalaǵan.
Bul ıesi Reseıge ákelgen kezde deklaratsııalanbaǵan kóldeneń qarajat ekeni anyqtaldy.
