Internet jelisinde Muhtar Jákishevtiń qatysýymen bolǵan áńgimege qatysty arnaıy tekserý júrgiziledi
ASTANA. Qarashanyń 26-sy. QazAqparat /Aıdar Ospanalıev/ - Bas prokýratýra elimizdiń ınternet jelisinde «Qazatomónerkásip» ulttyq kompanııasynyń burynǵy basshysy Muhtar Jákishevtiń qatysýymen bolǵan áńgimege qatysty arnaıy ishki tekserý jumystaryn júrgizý qajet dep tapty.
Bul týraly búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov málim etti, dep habarlaıdy QazAqparat.
«Qajet bolǵan jaǵdaıda atalmysh tekserýlerdiń qorytyndylary boıynsha tıisti zańdar negizinde protsessýaldyq sheshim qabyldanady. Ol úshin árıne tıisti derekter men dálelder kerek. Al ázirge arnaıy tekserý jumystarynyń nátıjeleri belgisiz. Nátıje bolǵan jaǵdaıda biz ol jóninde kópshilikti habardar etetin bolamyz», dedi resmı ókil.
