Internet jelisi arqyly alaıaqtyq jasaǵan azamat sottaldy
QYZYLORDA. QazAqparat - Jańaqorǵan aýdandyq soty Qazaqstan Respýblıkasy Qylmystyq kodeksiniń 190-babynyń 1-bóligi boıynsha aıyptalǵan áıelge úkim shyǵardy, dep habarlaıdy QazAqparat tilshisi.
Ol ınternet jelisi arqyly birqatar jaýapkershiligi shekteýli seriktestikterden bireýlerdiń atynan aqsha alǵan. Osylaısha ol bir seriktestikten 75 myń teńge alsa, ekinshisinen 50 myń teńgeni qoldy etken.
«Sotta ol jasaǵan is-áreketin tolyq moıyndady. Jábirlenýshiden keshirim suraǵanyn, keltirilgen zalal mólsherin barynsha qysqa merzimde qaıtaryp beretinin jetkizgen. Asyraýynda kámeletke tolmaǵan balasynyń bar ekenin kórsetip, ózine bas bostandyǵynan aıyrmaıtyn jaza berýdi surady. Sot úkimimen sottalýshy ol 1 jylǵa bas bostandyǵy shekteý jazasy taǵaıyndaldy» dep jazylǵan aýdandyq sottyń baspasóz qyzmeti taratqan habarlamada.
Ádiljan Úmbet
