Internet-jarnama jáne onlaın platformalar týraly zań jobasy ázirlenip jatyr - mınıstr

ALMATY. QazAqparat – Internet-jarnama jáne onlaın platformalar týraly zań jobasy ázirlenip jatyr. Bul týraly Almatyda saıt jetekshileri jáne blogerlermen kezdesken Aqparat jáne qoǵamdyq damý mınıstri Darhan Qydyráli aıtty, dep habarlaıdy QazAqparat vedomstvonyń baspasóz qyzmetine silteme jasap.

«Bul zań jobasy sheńberinde qoldanýshylardyń jaýapkershiligi kúsheıedi. Sheteldik platformalardyń qyzmeti qazaqstandyq zańnamaǵa sáıkes retteledi. Áleýmettik jeli ıeleri óz ınterfeısin qazaqstandyqtar úshin memlekettik tilde usynýǵa mindetteledi», - dedi mınıstr.

Buǵan qosa, mınıstr qazirgi ýaqytta dástúrli BAQ-tyń baǵyty kontseptýaldy turǵyda ózgerip jatqanyn, salaǵa qatysty zańnamanyń jańa jobasy jurtshylyq nazaryna usynylǵanyn eske salyp, ony belsendi talqylaýǵa shaqyrdy.

Sondaı-aq, Darhan Qydyráli jalǵan aqparattyń taralmaýyna muqııat qaraý, kontent sapasyna mán berý sııaqty máselelerge toqtaldy.