INTERNET: «Yahoo» Qytaıdaǵy keńsesin jabady
ASTANA. QazAqparat - AQSh-tyń «Yahoo» ınternet kompanııasy Qytaıdaǵy sońǵy keńsesin jabady, dep jazady Bı-Bı-Sı.
Naqtyraq aıtqanda, kompanııanyń Beıjińdegi ázirleý jáne zertteý ortalyǵynyń keńsesi jabylatyn bolady. Internettegi alpaýyt kompanııaǵa atalǵan eldegi jergilikti kompanııalar básekeles bolǵan. Endi keńsede qyzmet etken 300-ge jýyq maman jumyssyz qalmaq. Eske sala keteıik, 2013 jyly «Yahoo» Qytaıda elektrondy poshta qyzmetin kórsetýdi toqtatqan bolatyn. Sonymen qatar, taǵy bir iri kompanııa «Microsoft» aqpan aıynda Qytaıdaǵy 9 zaýytynyń ekeýin jabatynyn habarlaǵan.
