Internet saýdada Qazaqstan óz naryǵyn sheteldik oıynshylarǵa berip otyr
«Shopıngtik kompanııalardyń máselesin ǵana kótergen jetkiliksiz. Bırjalyq segmentti, ınternet saýdany, qonaqúılerdi damytýdy, meıramhanalar men dámxanalardy da sóz etken durys. Biz qazir ınternet saýdanyń qarqynyn kórip otyrmyz. Osy salada bizdiń áriptester osaldyq tanytyp jatyr. Básekege qabiletti bola almaýda, tipti otandyq naryqty sheteldik oıynshylarǵa berip qoıǵan. Ásirese, eýropalyq, amerıkalyq, qytaılyq jáne reseılik oıynshylar basyp alǵan. Іshki oıynshylardy qoldaýǵa arnalǵan retteý tetikterin qolǵa alý kerek», - dedi Májibaev.
Onyń aıtýynsha, otandyq saýda Batys elderi, Japonııa, Túrkııa elderinen ǵana emes, EAEO memleketterinen de qalys qalýda. Sondyqtan, sarapshynyń oıynsha, strategııalyq jáne baǵdarlamalyq qujattarda saýda sýbektilerin qoldaýdyń praktıkalyq sharalaryn bekitý qajet.