Internet sapasynyń nasharlaıtyny aldyn ala nege eskertilmeıdi – mınıstr jaýaby

ASTANA. QazAqparat – Uıaly baılanysta tehnıkalyq aqaý 5 mınýttan asqan jaǵdaıda, baılanys operatorlary bul týraly BAQ arqyly aqparattandyrýǵa mindettelmek. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy QazAqparat tilshisi.

Úkimet otyrysynan keıin BAQ ókilderi Baǵdat Mýsınnen sońǵy ýaqytta ınternettiń jıi nasharlaıtyny jáne nelikten ol týraly aldyn ala abonentterge eskerilmeıtini týraly surady.

«Qazaqtelekom» – jeke uıym. Biz –retteýshi organbyz. Meniń de «Qazaqtelekomǵa» qatysty narazylyǵym boldy. Sondyqtan ınternet sapasy boıynsha qazirgi jaǵdaıdy alyp qarasaq, zańnamalyq túzetýler engizýimiz kerek shyǵar. Operatorlardy 5 mınýttan artyq isten shyqqan jaǵdaıda BAQ arqyly habarlaýyn mindetteımiz. Buny birge isteıik, men – daıynmyn», - dep jaýap berdi vedomstvo basshysy.