Internet sapasyn tirkeıtin halyqtyq baqylaý quraly engiziledi - Mýsın

NUR-SULTAN. QazAqparat - Internet sapasyna qatysty derekterdi tirkeýge múmkindik beretin Halyqtyq baqylaý quraly engiziledi. Bul týraly Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri Baǵdat Mýsın aıtty, dep habarlaıdy QazAqparat tilshisi.

«Internet boıynsha 2 joba bar: aýyldarǵa optıkalyq jeli qurylysy, ıaǵnı VOLS jáne mobıldik ShPD taratý. Osy jumystardy jyl sońyna deıin aıaqtaıtyn bolamyz. Bul 250 adamnan astam turǵyny bar barlyq aýyldardy sapaly ınternetpen qamtamasyz etege múmkindik beredi», - dedi ol.

Onyń atap ótýinshe, baılanys sapasyn arttyrý úshin baılanys sapasynyń parametrleri aıqyndalatyn bolady.

«Internet sapasy boıynsha derekterdi tirkeýge jáne bizge berýge múmkindik beretin Halyqtyq baqylaý quralyn engizemiz. Baılanys operatorlaryna qoıylatyn talaptardy arttyrý boıynsha birqatar basqa da zańnamalyq túzetýlerdi pysyqtaımyz», - dedi Baǵdat Mýsın.