Internet sapasyn teksertkilerińiz kelse, jazbasha ótinish jazyńyzdar – Baǵdat Mýsın

NUR-SULTAN. QazAqparat – Facebook pen Instagram arqyly joldaǵan shaǵymdar ınternet sapasyn tekserýge negiz bola almaıdy. Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın qazaqstandyqtarǵa osyndaı ótinish aıtty, dep habarlaıdy QazAqparat tilshisi.

Mınıstrdiń aıtýynsha, qazir ár oblysta ıntenet sapasyn ólsheıtin arnaıy qondyrǵy bar. Biraq onyaýyzsha shaǵymdardyń negizinde qoldanýǵa zańnama ruqsat etpeıdi.

«Internettiń sapasyn arttyrý úshin biz arnaıy qondyrǵy satyp aldyq. Buǵan deıin olardyń sany respýblıka boıynsha altaý ǵana bolatyn. ıAǵnı, búkil el aýmaǵyna osy 6 qondyrǵyny paıdalanyp kelgen edik. Qazir 17 óńirde 17 qondyrǵy bar. Ár oblystyń ortalyǵynda tur. Óńirlerdegi ınternet sapasyn tekserý úshin óńirlerge shyǵyp turamyz», - degen mınıstr óziniń Túrkistan oblysyndaǵy ınternet sapasy nashar aýyldardy qalaı anyqtaǵanyn baıandap berdi.

«Shymkentten Túrkistanǵa ketip bara jatyp, 2 aýylǵa kirgenmin. Sonda bul aýyldarda ınternet shynymen álsiz ekenin kórdik. Sáıkesinshe jańaǵy aıtqan qurylǵymen ólshemder aldyq. Sol ólshem qorytyndysy boıynsha KCell kompanııasyna aıyppul jazyp berdik. Internet usynýshy uıymǵa keleńsizdik joıý úshin 2 aı ýaqyt berdik. Eger kemshilikter ýaqytynda joıylmasa, budan qataldaý sharalar qabyldaýǵa quqyǵymyz bar. Mine osyndaı tásilmen 17 óńirde sapasyz ınterneti bar aýyldardy anyqtap, qyzmet usynýshylarǵa aıyppul taǵaıyndaımyz», - deıdi Baǵdat Mýsın.

Ol, sondaı-aq, áleýmettik jeli arqylytúsken shaǵymdar tekserýdi bastaýǵa negiz bola almaıtynyn eskertti.

«Feısbýk», «Instagram» arqyly kóp ótinim keledi. Biz olardy tekserýge negiz etip paıdalana almaımyz. Bas prokýratýranyń bıznesti qorǵaý aıasyndaǵy talaby osyndaı. Biz azamattardyń jazbasha ótinishi boıynsha ǵana tekserý bastaı alamyz. Ol ótinishe shaǵymdanýshynyń ózi qol qoıý kerek nemese ETsQ arqyly rastalǵan bolýy kerek. Sondyqtan, biz shynymen aýyldaryńyzǵa baryp ınternet sapasyn ólshem, qajetti sharalar qabyldaǵanymyzdy qalasańyzdar, shaǵymdaryńyz mınıstrlikke tikeleı resmı baǵyttalýy kerek. Telekommýnıkatsııalar komıtetine de joldaýlaryńyzǵa bolady», - dedi Baǵdat Mýsın.

Sondaı-aq, mınıstr Saqbol qosymshasynyń jumys prıntsıpin túsingen bolatyn.

Mınıstrdiń málimetine sensek, bıyl elimizde 750 bazalyq ınternet stansasy salynady.