Internet naryq qalyptassa báseke ornap, sapaly dúnıeler shyǵady - A.Erkimbaı
ALMATY. 20 shilde. QazAqparat /Ádilet Musahaev/ - Qazaq ınternet máselesin sol tildi jetik bile bermeıtin orys tildi nemese orys tildi ınternetin zertteıtin azamattar kótergen kezde qate maǵlumattar berýi múmkin.
Bul jaıynda búgin «Minber» qoǵamdyq qorynyń jetekshisi Ashat Erkimbaı Almatyda qazaq ınternetiniń máseleleri jóninde ótip jatqan jıyn barysynda aıtty.
Onyń aıtýynsha, bizde qazaq ınternetin keńinen qoldanýshylar bar. Olar eshkimge jaltaqtamaı, úkimetke alaqan jaımaı ózderinshe damýda. "Qazirgi bir jaıt - qazaq tildi ınternet naryǵyn qalyptastyrý. Eger ınternet naryq qalyptassa qazaqsha kontetentter artyp, ózin aqtaıtyn bolady. Memlekettiń qarjysy ınternet naryǵyn qalyptastyrýǵa tikeleı jumsalsa ıgi bolar edi. Internet naryq qalyptassa, báseke ornap, sapaly dúnıeler shyǵady",-deıdi A.Erkimbaı.
Sonymen qatar ol qazir azamattyq qoǵamda til jaǵynan orys jáne qazaq tildi bolyp bólinýdi baıqaıtyndyǵymyzdy jáne ony ınternette de kóretindigimizdi aıtady. "Bir artyqshylyǵy - qazaq tildi qoldanýshylar orys tilinde de jaqsy túsinedi, ıaǵnı olar orys tildi saıttar ne jazyp otyrǵanyn bilip otyrady. Al oryssha ǵana biletin qoldanýshylar qazaq tildiler ne jazyp jatqanyn bile bermeıdi", -deıdi ol.
"Qazaqstanda qazaq tildi saıttardyń úlesi 12-14 paıyzdan aspaıdy dep jatady. Bul áste olaı emes. Sebebi ınternette shekara joq. Qazaq tildi ınternetti aıtqan kezde tek Qazaqstandaǵy emes, Mońǵolııa, Túrkııa jáne basqa elderdegi qazaq tildi saıttardy qosa aıtýymyz kerek. Meıli, qarpi ózgeshe shyǵar, biraq ishki mazmuny bir", -dep atap ótti «Minber» qoǵamdyq qorynyń jetekshisi.
