Internet naryǵyndaǵy básekelestikten qoryqpaý kerek - Shavkat Sabırov
ALMATY. 30 mamyr. QazAqparat - Qazaqstandyq ınternet jyl ótken saıyn qyzyqty bola túsýde. Bul jaıly búgin Almatyda ótip jatqan i-MІH'12 ınternet konferentsııasynda aıtyldy.
«Qazaqstandyq ınternettiń kommertsııalyq qyzmeti ótken jyldan bastap kiristi bola bastady. Endi aldaǵy jyly bizde de reseılikter sııaqty ınternet resýrstarynyń kapıtaldaný úrdisi júredi. Qazirgi tańda men bir ǵana naqty kommertsııalyq usynysty bilemin. Onda ınternet resýrstarynyń birine 0,5 mıllıon dollardyń usynysy jasalǵan», - deıdi Qazaqstan ınternet qaýymdastyǵynyń prezıdenti Shavkat Sabırov. Onyń aıtýynsha, bıyl QR Parlamentinde «Kommertsııalyq elektrondy saýda týraly» zań qabyldanady. Bul ınternet naryǵyn damytýǵa tyń serpin bermek. Eger jobaǵa qaýymdastyqtyń usynysy engiziletin bolsa, Qazaqstan Keden odaǵy aýmaǵynda ózindik bir ınternet alańyna aınalady. Qazaqstan qazirdiń ózinde bıznesti júrgizý jaǵynan Keden odaǵyndaǵy serikterinen alda kele jatyr. Máselen on-laın qyzmette jeńildik jasalatyn bolsa, Reseıdiń ınternet naryǵyndaǵy negizgi oıynshylar óz bıznesin Qazaqstanda júrgize bastaıdy. Básekelestik naryqtyń damýyn aıtarlyqtaı jedeldete túsedi. Odan qorqýdyń qajeti joq.
